Jumat, 27 Desember 2013

EPESUS 2

Epesus 2


2:1 Nasiam pe, na dob matei hinan halani panlanggaron ampa dousanasiam, (Kol. 2:13.) 

2:2 ai ma na hinorjahon nasiam hinan mangihutkon panorang ni dunia on, mangihutkon rosuh ni na markuasa i awang-awang ai, ai ma tonduy na marhorja nuan ibagas jolma na so siat hata. (bd. 6:12; Joh. 12:31; Tit. 3:3.) 

2:3 Raphon sidea do hinan age hita haganup manghorjahon hisap-hisap ni dagingta, ai ma ibagas na ipaihut-ihut hita sura-sura ni daging in hinan ampa rosuh-rosuhni; jadi jolma sigilaan do hita humbani biakta hinan, songon na legan ai. (Kol. 3:6.) 

2:4 Tapi ELOHIM , na bayak bani idop ni uhur, halani holongNi na banggal in banta, 

2:5 ipagoluh do hita raphon Kristus, sagala na dob matei ibagas panlanggaron (halani idop ni uhur do, ase maluah nasiam). (Luk. 15:24.) 

2:6 Anjaha rap pakon Kristus Jesus do hita ipapuho, anjaha ipabangkit do hita hu gomgoman nagori atas ibagas Kristus Jesus, (Rom 8:10; Pil. 3:20.) 

2:7 ase ipatuduhkon bani panorang na sihol roh ope, surung ni habayakonNi marhitei banggal ni habasaronni banta ibagas Kristus Jesus. (bd. 1:7.) 

2:8 Ai humbani idop ni uhur do ase maluah nasiam, marhitei haporsayaon; sedo binahen nasiam, sibere-bere ni ELOHIM do. (Gal. 2:16.) 

2:9 Sedo humbani horja, ase ulang adong na mamuji diri. (1 Kor. 1:29.) 

2:10 Ai jadi-jadianNi do hita, na tinompa ibagas Kristus Jesus, bani horja na madear; hujai do hita ipasirsir ELOHIM hinan, ase ibagas ai hita marparlahou. (Tit. 2:14.) 

2:11 Halani ai, nasiam sipajuh begu-begu hinan ibagas pardagingon, nasiam "na so siparsunat" igoran halak siparsunat ibagas daging marhitei tangan, ingat nasiam ma: (bd. 5:8.) 

2:12 Ijia sirang do nasiam humbani Kristus; idarat ni warga Israel do nasiam, seng marulih bani padan bagah-bagah, seng marpangarapan, anjaha seng adong ELOHIM bani nasiam i tanoh on. (Rom 9:4.) 

2:13 Tapi anggo sonari, ibagas Kristus Jesus do nasiam; anjaha daoh pe nasiam ijia, gabe ipadohor daroh ni Kristus do nasiam sonari. 

2:14 Ai Ia do pardameian banta, na pasadahon na dua ai, anjaha na parsedahon dingding bolat-bolat ai, ai ma hamunsuhon ai. (Jes. 9:5; Gal. 3:28.) 

2:15 Ai ibagas dagingNi do iparseda titah in rap pakon tonah-tonah ampa aturan-aturanNi, ase itompah ibagas diriNi na dua ai, gabe sada jolma na baru, bani na pinajongjongNi damei. (2 Kor. 5:17; Kol. 2:14.) 

2:16 Anjaha ipadear do na dua ai ibagas angkula na sada ai bani ELOHIM marhitei silang ai; ai ijai do ibunuh hamunsuhon ai. 

2:17 Dob roh Ia, ibaritahon do damei bani nasiam na daoh, damei homa bani na dohor. (Jes. 57:19; Sak. 9:10.) 

2:18 Ai marhiteihonsi adong do dalan marayak Bapa in, banta haduasi ibagas sada Tonduy. (bd. 3:12.) 

2:19 Ase lang be panginsolat atap partoloh nasiam, tapi hasoman saharajaon ni halak na mapansing do, anjaha hasoman sarumah ni ELOHIM .(Pil. 3:20; Heb. 12:22, 23.) 

2:20 Ipauli do nasiam iatas ni onjolan ni apostel ampa nabi; Kristus Jesus sandiri do batu parsuhi ijin.(Jes. 28:16; Mat. 16:18.) 

2:21 Ibagas Ia do mardomu ganup rumah in anjaha lambin banggalni, gabe rumah panumbahan na mapansing ibagas Tuhan in. 

2:22 Ibagas Ia do homa nasiam ipauli-uli, gabe ianan ni ELOHIM ibagas Tonduy in. (1 Ptr. 2:5.)

0 komentar:

Posting Komentar